Skip to content
Дедо Мраз е симбол на радост и веселба, но овој пат експертите изразуваат сериозна загриженост за неговото здравје. Иако со познатата голема брада и румени образи, неговата фигура може да изгледа симпатично и безгрижно, неговото здравје е под сериозна закана. Тој носи прекумерна тежина, најмногу акумулирана во стомакот, што може да му создаде здравствени проблеми како срцеви заболувања и дијабетес пишува „Саенс алерт“.
Руменото лице, што често се поврзува со весел карактер, всушност може да биде симптом на розацеа, хронична кожна болест, предизвикана од изложеност на УВ зрачење и ладен воздух. Во студените зимски ноќи, Дедо Мраз се соочува и со ризик од смрзнатини, кои можат да доведат до сериозни оштетувања на ткивата.
Неговата исхрана, полна со шеќер и масти, го зголемува ризикот од хронични заболувања, а традиционалното пиење пиво може да ја влоши неговата нетолеранција на алкохол, создавајќи дополнителни здравствени проблеми, вклучувајќи заболувања на црниот дроб. Дедо Мраз, исто така, е подложен на ризик од кардиоваскуларни заболувања и хипоксија од патувањето на високи надморски височини.
Сепак, и покрај сите овие здравствени ризици, Дедо Мраз продолжува да ја извршува својата мисија: да донесе радост и подароци. Но, експертите советуваат дека треба да се обрне внимание на неговата исхрана, заштита од студот и ограничување на алкохолот, за да го зачува своето здравје.
