Skip to content
Украинскиот претседател Володимир Зеленски изјави дека се надева унгарскиот премиер Виктор Орбан да ја поддржи, или барем да не ја блокира, кандидатурата на Украина за членство во Европската унија.
На форум за проширување на ЕУ што се одржува во Брисел, Зеленски нагласи дека „Орбан има што да ѝ понуди на Украина, која во моментов ја брани цела Европа од Русија“.
Процесот за пристапување на Украина во ЕУ, започнат по руската инвазија, е во застој бидејќи за одлуката е потребна едногласна поддршка од сите 27 земји членки. Орбан, кој одржува блиски односи со рускиот претседател Владимир Путин, го користи своето вето и предупредува дека членството на Украина би можело да го „разурни“ европскиот блок.
Прашањето добива дополнителна тежина во пресрет на претстојните парламентарни избори во Унгарија.
