Зеленски: Последните руски напади потврдуваат дека Москва не размислува за мир

Украинскиот претседател Володимир Зеленски изјави дека најновите руски напади потврдуваат дека Москва не размислува за мир.

Неговата делегација утре во Саудиска Арабија треба да седне со американската делегација и да ги започне преговорите за рамката на мировниот договор и првичниот прекин на огнот во Украина.

„Русија продолжува да докажува со својата суровост, од ден на ден, дека не размислува како да ја заврши војната, туку како да уништи и зароби повеќе, додека светот дозволува тоа да продолжи“, посочи Зеленски.

„За Американците, лош договор е подобар од никаков договор. Но, за Украинците, лошиот договор е полош од никаков договор. И ова е причината за фундаменталната тензија меѓу нив. Така, ќе мора да има некој излез од ќор-сокакот за да се направи пробив“, според Џејмс Никси, директор на Програмата за Русија и Евроазија во Чатам Хаус.