Зеленски за бунтот во Русија: Слабоста е очигледна, хаосот не може да се сокрие

-Украинскиот претседател Володимир Зеленски денеска на Твитер ја искоментира ескалацијата на конфликтот меѓу приватната воена компанија „Вагнер“ и руската редовна армија. „Секој што го избира патот на злото, се уништува себеси“, оцени украинскиот лидер.

„Оној кој испраќа колони војници да ги уништат животите на друга земја и не може да ги спречи да бегаат и да предадат кога ќе наидат на отпор. Оној што тероризира со проектили, а кога ќе бидат соборени, се понижува да прими дронови Шахед. Оној што ги презира луѓето и фрла стотици илјади во војната, за на крајот да се забарикадира во Подмосковјето  бегајќи од оние што самиот ги вооружува. Русија долго време користи пропаганда за да ја прикрие слабоста и глупоста на својата влада. И сега владее таков хаос што ниту една лага не може да го сокрие, изјави Зеленски.

„Слабоста на Русија е очигледна. Целосна слабост. И колку подолго Русија ги држи своите војници и платеници на нашата земја, толку повеќе ќе има хаос, болка и проблеми подоцна. Ова е исто така очигледно. Украина е способна да ја заштити Европа од ширењето на руското зло и хаос“, напиша Зеленски во пораката по најновиот развој на настаните на југот од Русија. с