Земјиштето не мирува – Нови земјотеси кај Санторини, најсилниот од 5,2 степени

Во ноќта кон вторник, 11 февруари 2025, повеќе земјотреси го потресоа грчкиот остров Санторини и соседниот остров Аморгос. Најсилниот земјотрес, со магнитуда од 5,2 степени според Рихтер, се случи во понеделникот во 22:16 часот по локално време, во морето, јужно од Аморгос, на околу 37 километри североисточно од Санторини.

Земјотресот беше почувствуван и во Атина, на повеќе од 200 километри од епицентарот, но не се пријавени материјални штети или повредени лица. Два часа подоцна, истиот регион беше погоден од нов земјотрес со јачина од 5 степени, а околу 10 минути подоцна се случија уште два земјотреси со јачина од 4 степени.

Потреси продолжија да се регистрираат и во текот на утрото, вклучувајќи и еден со јачина од 4,4 степени на југоисток од Аморгос.

Експертите ја оценуваат ситуацијата како сериозна, но уверуваат дека иако сеизмичката активност е интензивна, нема непосредни знаци за поголема катастрофа. Професорот по сеизмологија Костас Папазахос предупредува дека низа на земјотреси може да трае неколку недели, што предизвика дека повеќе од 11.000 луѓе ја напуштиле Санторини од почетокот на февруари.

Грчката цивилна заштита прогласи вонредна состојба до 3-ти март на островот Санторини, каде што многу домови и хотели се наоѓаат покрај карпестиот брег. Училиштата на Санторини, Аморгос и соседните острови остануваат затворени до петок.

Грчкиот премиер Киријакос Мицотакис, кој ја посети Санторини, изрази увереност дека не се очекува голема катастрофа, изјавувајќи дека не верува во сценарио за големи разрушувања.