Skip to content
Од некогашен сојузник до остар критичар – Илон Маск, милијардерот и сопственик на Tesla и SpaceX, деновиве јавно го нападна американскиот претседател Доналд Трамп поради даночната реформа која неодамна доби поддршка во Претставничкиот дом. Законот, кој Трамп го нарече „одличен и прекрасен“, Маск сега го нарекува „одвратна гнасотија“.
– Законот може да биде или убав или одличен. Не може да биде и двете – изјави Маск во иронична забелешка.
Иако како официјална причина се наведува загриженоста за растот на јавниот долг, порталот Axios открива четири вистински причини – претежно лични и деловни – поради кои дошло до пресврт во односот меѓу двајцата влијателни мажи.
Укинување на субвенциите за електрични возила
Новата реформа ги укинува државните стимулации за купување електрични автомобили – мерка што директно ја погодува Tesla, компанијата што Маск ја води и преку која ја гради својата визија за еколошки транспорт.
Игнорирање на Starlink
Иако се очекуваше интеграција на системот Starlink во контролата на американскиот воздушен сообраќај, тоа не се случи. Законот воопшто не ги споменува сателитите на Маск, што се толкува како удар врз неговите деловни амбиции во секторот.
Одбивање продолжување на функцијата во Белата куќа
Маск очекувал да остане дел од администрацијата и по истекот на законскиот рок од 130 дена за статусот „специјален владин службеник“. Но, добил јасна порака дека неговото присуство повеќе не е посакувано.
Повлекување на кандидатурата на близок пријател
Последниот удар дошол со повлекувањето на номинацијата на Џаред Исакман – блискиот пријател и соработник на Маск – за позицијата директор на НАСА. Одлуката ја донел Серхио Гор, шеф на претседателскиот персонал, со кого Маск наводно често бил во конфликт. Иако подоцна номинацијата била вратена, штетата била веќе направена.
И покрај јавниот конфликт, изворите на Axios наведуваат дека Маск и Трамп и понатаму остануваат во контакт и не ја прекинале целосно комуникацијата. „Остануваат пријатели и сојузници“, тврдат неименувани извори од Белата куќа.
