Skip to content
Според Светската здравствена организација (СЗО), во периодот од 14 јули до 10 август 2025, во 90 земји се пријавени 63 594 нови COVID-19 случаи, што е помалку во споредба со претходните 28 дена (125 368 случаи). Сепак, 37 земји во Африка, Америка, Европа и Југоисточна Азија пријавиле зголемување на нови ковис случаи за над 10 %.
Летното ширење на ковид вирусите, според СЗО се должи на појавата на нови варијанти, меѓу кои доминира варијантата XFG (позната и како “Stratus”), која е комбинација на Omicron подваријанти (LF.7 и LP.8.1.2). Нејзината застапеност во светот пораснала од 7 % во мај на 22.7 % до крајот на јуни. Во САД, XFG стигнал до 14 % од сите инфекции. СЗО ја класифицира како „варијанта под мониторинг“.
Истовремено, варијантата NB.1.8.1 („Nimbus“ или „razor blade throat“) покажува зголемена преносливост, благодарение на специфични мутации во spike-протеинот кои ѝ овозможуваат поефикасно привлекување до ACE рецепторите во горните дишни патишта. Ова доведе до нејзино ширење преку повеќе од 20 земји, со значителен раст на учеството од 18 % во мај и на 24 % во јуни 2025. NB.1.8.1 е позната по интензивна болка во грлото—од каде и прекарот „razor blade throat”.
На ширењето на овие варијанти на ковид вирусот, тврдат анализите, се и сезонски навики на луѓето, повеќе време да поминуваат во климатизирани, затворени простории за да се избегне топлината, што создава идеални услови за ширење—особено во средини со ниска влажност и лоша вентилација.
Секако на ова влијае и летото како сезона на патувања, фестивали и големи социјални собири, кои дополнително ја олеснуваат трансмисијата на вирусот.
Летните бранови на COVID-19 не се изненадување, но тоа не ги исклучува препораките што СЗО постојано ги повторува:
- Избегнување затворени и климатизирани простори без доволна вентилација кога има социјални активности.
- Да се внимава на нови варијанти, особено при присуство на симптоми како болно грло.
- Следење на локалните епидемиолошки податоци и здравствени препораки, вклучувајќи и тестирање доколку е потребно.