574 дрона и 40 ракети врз Украина, Зеленски со итен апел

Украинскиот претседател Володимир Зеленски повика на зголемен меѓународен притисок врз Русија, по ноќен бран напади низ земјата. Според Киев, руската армија синоќа лансирала 574 ударни дрона и 40 ракети, погодувајќи цивилна инфраструктура и станбени објекти. Најмалку едно лице загина, а 18 се повредени.

Last night, the Russian army set one of its insane anti-records. They targeted civilian infrastructure facilities, residential buildings, and our people.

Several cruise missiles were lobbed against an American-owned enterprise in Zakarpattia. It was a regular civilian business,… pic.twitter.com/CQLSQls4Oq

— Volodymyr Zelenskyy / Володимир Зеленський (@ZelenskyyUa) August 21, 2025

Метата беа и градови далеку од фронтот – Мукачево, Лавов и Лутск – а штета е пријавена и во други места, вклучително и во Киев. Во Мукачево, според вработен во компанијата за „The Kyiv Independent“, е погоден погон на американски производител на електроника, каде што во ноќна смена работат околу 800 луѓе. Зеленски оцени дека нападот врз „редовен цивилен бизнис“ е показател за руската тактика.

„Нема сигнал од Москва за вистинска намера за суштински преговори и завршување на војната“, порача Зеленски на Х, повикувајќи на „силни санкции и силни тарифи“ како одговор на ескалацијата.