АА: Блокирањето и пренасочувањето на Коридорот 8 е направено по наредба на Вучиќ, потврдува српски министер

Наредбата за запирање на работата на Коридорот 8, како и плановите за целосно блокирање на овој проект и неговото пренасочување, ја даде претседателот на Србија, Александар Вучиќ, а ја спроведе Владата на Христијан Мицкоски, во првите 6 месеци од доаѓањето на власт, велат во соопштение за јавноста од Алијанса за Албанците на Зијадин села

„Ова не го кажуваме ние, туку министерот за транспорт и инфраструктура на Србија, Горан Весиќ, лично го потврди во официјална изјава објавена од бугарската новинска агенција БГНЕС, во октомври 2024 година.

Во оваа изјава, српскиот министер го нарекува победа на Србија против Западот, пренасочувањето на Коридорот 8 и пренасочувањето на инвестициите кон Коридорот 10, кој ќе ја поврзе Србија со Грција и, како што вели, „ја прави Србија епицентар на регионот”. Агенцијата БГНЕС, цитирајќи го српскиот министер, пишува дека министерот за транспорт на Република Македонија, Александар Николовски, се обидел да ги пренасочи средствата обезбедени од меѓународните фондови за Коридорот 8 во интерес на Коридорот 10, што ја унапредува Србија“ велат од АА.

Оттаму додаваат дека ова е вистината за пренасочувањето на Коридорот 8, одлуката за блокирање на оската Требениште-Струга, со што Струга е исклучена од Коридорот 8 и останува тотално изолирана.

„Во ова сценарио, како што објавивме од 10 март, имаме сигурни информации дека по Струга, Полошкиот и Кичевскиот регион исто така ќе бидат изолирани и приоритет ќе се даде на изградбата на автопатот Битола-Охрид, со кој Коридорот 8 е пренасочен и поврзан со Коридорот 10, додека Србија на крајот станува епицентар и ја блокира врската на нашата земја со Западот.

Ги повикуваме партиите од коалицијата ВАЛЕН да не молчат и да ги релативизираат плановите на Вучиќ против Албанците, да не дефокусираат со обвинувања за дневна политика, туку итно да ги блокираат овие злокобни проекти на Српскиот свет или барем да се дистанцираат од оваа Влада! Ова е вистинска национална кауза што ги надминува владините позиции и партиските интереси, но бара обединување на албанската политичка класа и вклучување на меѓународниот фактор, САД, НАТО и Европската Унија“ стои во соопштението на АА.