По веста за смртта на адвокатот Ендрју Стронг, бранител на поранешниот претседател на Собранието, Кадри Весели, судот на чело со Чарлс Смит одлучи да ги откаже сите седници закажани за годинава за најголемиот случај на Специјалниот суд.
Република Косово и Европската унија го потпишаа договорот за учество на Косово во програмата на ЕУ „Граѓаните, еднаквоста, правата и вредностите“. Вкупниот буџет на оваа програма за периодот 2021-2027 година изнесува 1,56 милијарди евра.
Ова се дел од темите од редакцискиот избор на ЦИВИЛ Медиа од албанските медиуми во регионот, за денешното издание на АЛ-Прес.
КОСОВО
РТВ 21: Поради смртта на адвокатот на кадри Весели, откажани сите рочишта за оваа година за случајот со водачите на ОВК
По веста за смртта на адвокатот Ендрју Стронг, бранител на поранешниот претседател на Собранието, Кадри Весели, судот на чело со Чарлс Смит одлучи да ги откаже сите седници закажани за годинава за најголемиот случај на Специјалното.
Одлуката за откажување на рочиштата дојде по барање на адвокатот Бен Емерсон, бранителот на Весели, пренесе РТВ 21.
Зери: Косово потпиша договор со ЕУ за учество во програмата „Граѓаните, еднаквоста, правата и вредностите“
Република Косово и Европската унија го потпишаа договорот за учество на Косово во програмата на ЕУ „Граѓаните, еднаквоста, правата и вредностите“. Вкупниот буџет на оваа програма за периодот 2021-2027 година изнесува 1,56 милијарди евра, во чии рамки бенефит можат да имаат сите земји-членки на ЕУ, како и земјите кои имаат право на учество, пренесе Зери.
Газета 10: Поранешниот командант на ОВК Хаџи Шала е испратен во Хаг
Хаџи Шала, поранешен командант на Ослободителната војска на Косово, е испратен во Хаг.
Неговиот адвокат Џевдет Смакиќи потврди дека поранешниот пратеник во Собранието на Косово во вторник наутро отпатувал за Холандија. „Топи“ пред еден ден беше уапсен од Специјализираниот суд на Косово, пренесе Газета 10.
АЛБАНИЈА
Досја ал. – Скандал/Круемади: Велиај ги натера градежните компании да платат за инсинераторот 60 милиони евра за почвите, но тие се депонирани надвор од него
Пратеничката на Партијата на слободата, Моника Круемади изјави дека градоначалникот Ерион Велиај ги натерал градежните компании да му платат на инсинераторот 60 милиони евра за земјиштето.
Круемади нагласи дека по потпишувањето на договорот за горење во Тирана, Општината презела активности кои ги принудиле сите градежници да платат за почвата произведена од изградбата да се излее во инсинераторот. Но, всушност, почвите беа депонирани надвор од градежната дозвола за горење, пренесе Досја. ал.
Клан ТВ: СП бара исклучување на 7 пратеници на ДП
Социјалистичката партија побара исклучување на 7 пратеници од опозицијата по хаосот и тензиите создадени на последната пленарна седница во Собранието.
Во писмото упатено до Етичката комисија, која носи потпис на 7 пратеници од мнозинството, овие бараат казнени мерки за демократите Ервин Салијањи, Луан Бачи, Аслан Доѓани, Бледион Налбати, Лефтер Гештења, Исуф Чела и Џељаљ Мзиу, пренесе Клан ТВ.
КОЛУМНА
Нистори: Србија врши етничко чистење во Прешевската Котлина, преку пасивизирање на адреси
Србија тивко , во тотален молк спроведува јасна стратегија и со конкретни дејствија успева официјално да ги депопулира Медвеѓе, Бујановац и Прешево.
Во албанската покраина неправедно оставена под управа на Србија, во која спаѓаат Медвеѓе, Бујановац и Прешеоа, ние сме дискриминирани, бидејќи нашите адреси се деактивираат.
Ова е организирано државно етничко чистење, пишува авторот Рефик Хасани во колумната „Србија врши етничко чистење во Прешевската Котлина, преку пасивизирање на адреси“, објавена во Нистори.
Подготви: Д. Тахири (ЦивилМедиа)
