Skip to content
Сателитски снимки од северниот дел на Појасот Газа, по силното израелско бомбардирање, покажуваат повеќе од 1.000 кратери на околу 10 квадратни километри видливи од вселената, наведува во анализа Гардијан.
Само во една област, широка само половина километар, неколку станбени области биле бомбардирани толку силно што биле видливи околу 100 кратери, некои од нив големи и до 13,9 метри, пишува британскиот весник.
Најмалку една болница и три училишта во областа не се во функција, очигледно поради бомбардирањето околу објектите. Останатите згради на снимката, која е снимена на 30 октомври, според анализата се целосно срамнети со земја и претворени во урнатини.
