Анкета: Само 24 отсто од Французите му веруваат на Макрон

Само 24 отсто од Французите велат дека имаат доверба во Емануел Макрон, што е пад од пет поени и негово најниско ниво од почетокот на неговиот втор мандат во 2022 година, според анкетата спроведена откако францускиот претседател го распушти Националното собрание, пренесоа француските медиуми. 

Неговиот рејтинг на одобрување е блиску до нивото од 23 отсто забележано во декември 2018 година за време на протестите на жолтите елеци, што беше најниско од почетокот на неговиот прв мандат, забележа Институтот Елабе.

Довербата во Макрон падна за три поени дури и кај неговите поддржувачи, но и понатаму е висока на 71 процент. Падот е поизразен кај опозицијата: тој изгуби пет поени доверба кај гласачите на Жан-Лук Меланшон (радикална левица, 17 отсто) и шест поени кај гласачите на Марин Ле Пен (екстремно десничарски, шест посто).

Истражувањето беше спроведено на интернет од 11 до 12 јуни меѓу примерок од 1.502 лица, претставник на населението на Франција на возраст над 18 години.