Skip to content
Стручњаците за сајбер безбедност предупредуваат сите корисници на Android уреди да бидат внимателни со апликациите што собираат лични податоци и ве следат без вашето знаење.
Во најновото истражување спроведено од порталот Which? во соработка со Hexiosec, биле анализирани 20 популарни апликации од областа на социјалните мрежи, онлајн купување, фитнес и паметни домови за да се утврди кои апликации „јадат“ податоци на корисниците.
Меѓу нив се WhatsApp, Facebook, TikTok, Instagram, Amazon, AliExpress, Ring Doorbell и Strava – заедно преземени повеќе од 28 милијарди пати низ светот.
Резултатите покажаа дека сите апликации бараат ризични дозволи, често без реална потреба, како пристап до микрофон, локација и креирање прозорци над другите апликации. На пример, Xiaomi Home имала дури 91 дозвола, од кои 5 биле ризични, додека Samsung SmartThings побарал 82, Facebook 69, а WhatsApp 66.
Стручњакот Хари Роуз од порталот Which? истакнува:
„Многу апликации на изглед се бесплатни, но корисниците плаќаат со своите податоци, често во загрижувачки големи количини. Важно е да проверите што точно одобрувате кога преземате нова апликација.“
Компаниите реагираа:
- Meta (WhatsApp, Facebook, Instagram) тврди дека апликациите не го користат микрофонот без учество на корисникот.
- TikTok вели дека приватноста е вградена и собира само информации што корисникот доброволно ги внесува.
- Temu користи локација за автоматско пополнување на адреса.
- Amazon објаснува дека дозволите се за корисни функции како визуелизација на производот или гласовна претрага.
- Samsung потврдува дека SmartThings користи само неопходни дозволи за оптимално корисничко искуство.
Совет на крај: секогаш проверувајте кои дозволи ги давате на апликациите и размислете дали им е навистина потребен пристап до вашите лични податоци.