Авион на Ер Канада се судри со аеродромско возило на аеродромот Ла Гвардија во Њујорк

Авион на Ер Канада (AC.TO) се судри со аеродромско возило при слетување на аеродромот Ла Гвардија во Њујорк, објави денес веб-страницата за следење летови FlightRadar24.

Федералната администрација за воздухопловство на САД (FAA) издаде забрана за сите авиони на овој аеродром до 06:30 часот по средноевропско време, објавува Ројтерс.

Во соопштението на FAA се наведува дека забраната за движење на авиони е резултат на вонредна ситуација, а во посебно известување до пилотите, FAA соопшти дека аеродромот може да биде затворен до 19:00 часот по средноевропско време.

Непотврдени снимки објавени на социјалните медиуми покажаа оштетување на носот на авионот, но Ројтерс не можеше веднаш да ја потврди автентичноста на снимката.

Ер Канада, FAA и Противпожарната служба на Њујорк не одговорија веднаш на барањето за коментар.