Авионска несреќа на аеродром во Торонто: Има повредени

Авионската несреќа на меѓународниот аеродром Пирсон во Торонто што се случи денеска предизвика итна реакција на службите за итни случаи и полициските власти, објави CTV News, повикувајќи се на локалната полиција.

Канадскиот портал CP24 објави дека во инцидентот се повредени осум лица, од кои едно потешко, кога авионот CRJ900 од непознати причини при слетувањето ја изгубил контрола и се превртел на покривот. За среќа, повеќето од патниците биле неповредени и итно евакуирани.

Авион на „Делта ерлајнс“ всушност се урнал при слетување на аеродромот Пирсон во Торонто

„Авионот CRJ900 ја губи контролата и се превртува на покривот за време на слетувањето. Летот 4819 на „Делта ерлајнс“, кој полета од Минеаполис, се урна при слетување на аеродромот Пирсон во Торонто во понеделникот“, објавија медиумите.

Еден од патниците веднаш по слетувањето снимил видео во кое вели:

„Ние сме во Торонто. Само што слетавме, нашиот авион се преврте. Свртен е наопаку. Пожарникарите се на терен. Се чини дека повеќето луѓе се во ред, сите излегуваме“.

Аеродромот на платформата Х објави дека „се води сметка за сите патници и членови на екипажот“.

Аеродромот Пирсон во Торонто соопшти дека е свесен за инцидентот со авион на „Делта ерлајнс“ кој пристигнува од Минеаполис и дека екипите за итни случаи реагирале.