Skip to content
Еден од најпознатите автомеханичари откри кој половен автомобил нуди најдобра комбинација од сигурност, удобност и ниска потрошувачка на гориво.
Скоти Килмер, популарен автомеханичар на YouTube, изјави дека Toyota Corolla е негов избор број еден за сите што бараат квалитетен и достапен половен автомобил.
Килмер ја пофали „Corolla“ поради предниот погон, квалитетниот ентериер и високите безбедносни стандарди. Според него, автомобилот троши малку гориво и е совршен избор за почетници зад воланот.
Тој додаде:
„Продадени се милиони примероци ширум светот, па лесно можете да најдете добра половна ‘Corolla’. Предниот погон добро се снаоѓа и на дожд и на снег. Просторна е, удобна и економична. Има воздушни перничиња низ целата кабина, што ја прави мошне безбедна, а и осигурувањето е поевтино — совршен избор за тинејџери кои штотуку започнуваат со возење.“
Најпродаваниот модел на Toyota
„Toyota Corolla“ првпат се појави во 60-тите години од минатиот век и брзо стана едно од најпопуларните возила во Јапонија, а подоцна и во светот. Денес се смета за најпродаваниот модел на Toyota и еден од најуспешните автомобили во историјата.
Цена на половните модели
Постари половни модели може да се најдат за 5.000 до 10.000 евра, додека поновите хибридни изданија со мала километража достигнуваат и до 20.000 евра.
Дури и денес, Toyota Corolla останува симбол на сигурност, издржливост и ниски трошоци за одржување — идеален избор за возачи кои бараат автомобил што не ги изневерува.
