Бајден не планира во моментов да се сретне со Нетанјаху или да се обрати пред израелскиот парламент?

Американскиот претседател Џо Бајден изјави во понеделникот дека „во овој момент“ нема планови за средба со израелскиот премиер Бенјамин Нетанјаху или тој да се обрати пред израелскиот парламент, пренесува Си-Ен –Ен.

Во саботата, Бајден му рече на Џонатан Кејпехарт од МСНБЦ дека е отворен да се обрати пред израелскиот парламент, Кнесетот, но одби да понуди повеќе детали дали тоа би го сторил на покана на Нетанјаху или на израелскиот претседател Исак Херцог.

Притиснат од новинарите во понеделникот за тоа дали планира да се сретне со Нетанјаху, Бајден ја остави вратата отворена, велејќи им на новинарите „ќе видиме што ќе се случи“.

Поделбите меѓу Бајден и Нетанјаху избувнаа на отворено во текот на викендот, додека двајцата имаа размена во интервјуата за војната на Израел против Хамас.

Во интервјуто за МСНБЦ, Бајден, исто така, рече дека Нетанјаху „повеќе го повредува Израел отколку што му помага на Израел“ во неговата војна против Газа, додавајќи дека сака „да види прекин на огнот“ во контекст на договорот што исто така ги враќа израелските заложници кои таму ги држеше Хамас.

Д. Т.