Битиќи: Сите заедно презедовме одговорни чекори, резултатот е видлив, ја поминавме зимата беа шокови

Вицепремиерот задолжен за координација со економските ресори Фатмир Битиќи, во својата честитка по повод Светскиот ден на потрошувачите, наваји дека од утре, 16 март, стапуваат на сила замрзнатите и пониски цени нa тестенините и млечните производи.

Во честитката објавена на социјалните мрежи, вицепремиерот Битиќи пишува дека на Светскиот ден на потрошувачите ја потенцираме важноста на нивните права меѓу кои спаѓа и правото да бидат заштитени и во услови на големи, глобални кризи со какви се справуваме последните три години.

– Од почетокот на пандемијата до денес мерките на Владата постојано го следат импулсот на економијата. Ги моделираме мерките за помош и поддршка додека слушавме што следно им е потребно на граѓаните. Заедно се договараме и заедно преземаме одговорност. Владата, граѓаните и бизнисите – истакнува вицепремиерот Фатмир Битиќи и дополнува дека „зимата за која се подготвувавме да биде најтешка е веќе зад нас.

Битиќи потенцира дека „сите заедно презедовме тешки чекори, а резултатот е веќе видлив, ја поминавме зимата беа поголеми шокови“.

„Им благодарам и на потрошувачите – за нивната активна улога, за нивната свест за рационално користење на енергијата и за нивната трпеливост при надминувањето на пандемиската и енергетската криза. Граѓаните можат да бидат мирни. Имаат држава која се грижи и на тоа работиме секој ден“, напиша во честитката по повод Светскиот ден на потошувачите вицепремиерот задолжен за координација со економските ресори Фатмир Битиќи.