Бојкот на Саемот на книгата во Белград– издавачите протестираат поради поклопување со 1 ноември, денот на падот на надстрешницата во Нови Сад

Многу издавачки куќи годинава одлучија да го бојкотираат 68. Београдски саем на книгата, кој започнува на 25 октомври. Главната причина е тоа што традиционално најпосетениот ден оваа година паѓа на 1 ноември – токму на денот кога пред една година се случи падот на надстрешницата на железничката станица во Нови Сад.

Првата на бојкот се одлучи издавачката куќа „Clio“, следена од „Arhipelag“ и „Geopoetika“. На саемот нема да учествуваат ниту „Albatros plus“, „Fedon“, „Makart“ и „Heliks“. Освен тоа, се редат оставки во Одборот на Саемот – од функцијата претседател се повлече Душан Ковачевиќ, а неотповиклива оставка даде и Владислав Бајак, директор на „Geopoetika“.

Како што објаснува Зоран Хамовиќ, директор и главен уредник на „Clio“, издавачите барале само две скромни промени: да се помести датумот на одржување на саемот за два дена и да се намали цената за закуп на штандови за 30 отсто. Овие барања биле одбиени без никакво образложение, што издавачите го сметаат за понижувачко.

„Разликата меѓу ‘издавачите’ и ‘издавачите кои се занимаваат со трговија’ е голема. Ако се занимаваме со евтина трговија, не сме професионални издавачи и не се занимаваме со јавниот интерес, што е еден од клучните задачи на оваа професија. Затоа рековме ‘не’“, истакнува Хамовиќ, додавајќи дека ова „не“ е и политички став и дека се очекуваат и други слични одлуки во иднина.

Од страна на Саемот, пак, се наведува дека не било можно да се промени датумот поради гужвата во календарот на саеми и организациски причини, но сепак се очекува посетителите да го посетат настанот и да се собори рекорд во посета.