Бојмацалиев: Анкета на Евротинк – 50% задоволство од управни служби за време на Спасовски, 20% задоволство за време на Тошковски

Дополнителниот заменик министер за внатрешни работи Митко Бојмацалиев за време на работната посета на Кочани, беше запрашан во врска со изјавата на министерот Тошковски за пристигањето на нови обрасци за промена на личните документи на граѓаните.

„Тоа зборува за неговата политичка култура и слободно демократско општество сме, секој може да каже што сака. Јас би се надоврзал дека зборувам само со факти. Факт е дека во мандатот на министерот Спасовски граѓаните се сликаа и ги добиваа документите за 15 дена. Факт е дека за време на министерот Тошковски граѓаните ги добиваат своите документи за два и пол месеци, факт е дека тоа го призна и министерот Тошковски во своја изјава. Факт е дека последната анкета на Евротинк говори дека во мандатот на Спасовски граѓаните конкретно од управни служби биле задоволни над 50%, а последната анкета за време на техничката влада задоволството е 20%. Негово демократско право е како ќе одговори”, рече Бојмацалиев.