Два проектили беа истрелани врз брод во денешниот ракетен напад југоисточно од пристанишниот град Аден во Јемен, предизвикувајќи пожар на бродот, соопшти британската агенција за поморска безбедност.
„Брод беше нападнат со два проектила, што резултираше со пожар на бродот“, соопшти агенцијата. „Коалициските сили предводени од САД реагираат на инцидентот, кој се случи на 70 наутички милји од Аден во правец на Црвеното Море“, соопшти агенцијата за поморски трговски операции на Обединетото Кралство (УКМТО) без да даде други детали.
Хутите поддржани од Иран, кои ги контролираат најнаселените региони во Јемен, напаѓаат бродови во Црвеното Море и теснецот Баб ал-Мандеб во, како што велат, акти на солидарност со Палестинците во војната во Газа.
Соединетите Американски Држави формираа меѓународна коалиција за заштита на поморската пловидба во Црвеното Море како одговор на нападите.
