Skip to content
Бројот на загинати во самоубиствениот бомбашки напад што се случи вчера наутро во во џамија во северозападен Пакистан, до денес се искачи на 88 , соопштија официјални лица за Еуроњус.
Нападот на сунитска џамија во голем полициски објект беше еден од најсмртоносните напади врз пакистанските безбедносни сили во последниве години.
Повеќе од 300 верници се молеле во џамијата во градот Пешавар, , кога бомбашот го активирал елекот со експлозив.
Експлозијата одекнала низ џамијата, при што загинале и беа повредени голем број луѓе, а исто така е разнесен и дел од покривот.
Тоа што останало од покривот потоа паднало, повредувајќи многу повеќе, според полициаецот Зафар Кан.
Спасувачите мораа да ги отстранат куповите од остатоци за да стигнат до верниците кои сè уште беа заробени под урнатините. Повеќе тела беа извлечени од урнатините на џамијата во текот на ноќта и рано во вторникот, изјавил Мохамад Асим, портпарол на владината болница во Пешавар.
„Повеќето од нив беа полицајци“, рече Асим за жртвите.
Билал Фаизи, главниот службеник за спасување, рече дека спасувачките тимови сè уште работат во вторникот на местото на џамијата – лоцирана во полициски комплекс во зоната со висока безбедност во градот – бидејќи се верува дека повеќе луѓе се заробени внатре откако покривот паднал.
Тој рече дека во бомбардирањето биле ранети и повеќе од 150 луѓе. „Не беше јасно како бомбашот успеал да се лизне во комплексот заграден со ѕидови во зона со висока безбедност со други владини згради“.
Властите не утврдија кој стои зад бомбашкиот напад. Набргу по експлозијата во понеделникот, Сарбакаф Мохманд, командант на пакистанските талибанци, познат и како Техрик-е-Талибан Пакистан или ТТП, ја презеде одговорноста за нападот во објава на Твитер.
Но, неколку часа подоцна, портпаролот на ТТП, Мохамад Курасани, ја изема групата од бомбардирањето, велејќи дека не е нејзина политика да се гаѓаат џамии, семинарии и верски места, додавајќи дека оние кои учествуваат во таквите акти може да се соочат со казнени мерки според политиката на ТТП.
Во неговата изјава нема ништо за тоа зошто командант на ТТП ја презел одговорноста за бомбардирањето.
Извор Еуроњус
Подготви А.В
