Чамец се превртел кај Либија, загинале најмалку 50 мигранти

Педесет и три мигранти, меѓу кои и две бебиња, загинаа или исчезнаа откако гумен чамец со 55 лица се преврте покрај либискиот брег, соопшти денес Меѓународната организација за миграција (ИОМ). Бродот тргна од Завија во четврток, а потоа се преврте во близина на Зувара во петок, соопшти ИОМ, повикувајќи се на преживеани. Завија и Зувара се крајбрежни градови западно од либискиот главен град Триполи.

„Само две нигериски жени беа спасени за време на операцијата за пребарување и спасување предводена од либиските власти. Едната рече дека го загубила сопругот, а другата рече дека изгубила две бебиња во трагедијата“, соопшти ИОМ.

Повеќе од 1.300 мигранти исчезнаа во централниот Медитеран минатата година

Според агенцијата на ОН, повеќе од 1.300 мигранти исчезнале во централниот Медитеран во 2025 година. Само во јануари, најмалку 375 мигранти биле пријавени како мртви или исчезнати во областа по повеќекратни „невидливи“ бродоломи во екстремни временски услови, додека се верува дека стотици други смртни случаи останале непријавени.

„Најновиот инцидент го зголемува бројот на мигранти кои беа пријавени како мртви или исчезнати на таа рута во 2026 година на најмалку 484“, наведува агенцијата.