Skip to content
Недостигот не е само во кујните и рестораните, туку низ целиот туристички синџир. Се бараат келнери, шанкери, готвачи, помошници во кујна, рецепционери, хигиеничари, спасители, пекари, магационери, работници за плажа и базен, како и низа други профили без кои хотелите и угостителските објекти тешко можат да ја издржат летната навала на гости.
Она што најмногу го загрижува туристичкиот сектор е што интересот од домашната работна сила во Црна Гора останува слаб веќе неколку лета по ред. Работодавците затоа сè повеќе се вртат кон странски сезонци, а покрај работници од регионот, веќе отвораат простор и кон подалечни пазари. Од „Будванска ривиера“ наведуваат дека лани првпат вработиле околу 60 работници од Индија, а дел од нив и сега се ангажирани за подготовка на објектите пред стартот на сезоната.
За да привлечат кадар, хотелските компании нудат сместување и три оброци, а паралелно соработуваат и со агенции за вработување, средни стручни училишта и колеџи. Во превод, Будва веќе не ја чека сезоната само со туристички реклами, туку и со тивка трка по работници. За многу луѓе од Македонија и од поширокиот Балкан тоа значи дека летото на Јадранот повторно ќе биде и сезона на заработка, не само на одмор.