Ден по Парадата во Белград

Војната парада во Белград, одржана на Ушќе, наместо да покаже сила и единство, остави поделени впечатоци и бројни реакции во јавноста.

Иако официјално сите беа поканети, дел од граѓаните и студентите не беа пуштени да пријдат. Жандармеријата постави кордон, а академците се запрашаа зошто токму на ден кога се слави народното единство биле блокирани од полицијата и по чија наредба.

Новинарот Давор Лукач потсети дека дури и во протестите од 1991 година никој не нападнал војска. „Срамно е што не им дозволија на студентите да ја поздрават војската“, изјави тој.

Според Вук Вуксановиќ од БЦБП, парадата имала повеќе политичка отколку одбранбена димензија. „Се обидоа да го свртат фокусот од протестите и да консолидираат гласачко тело“, вели тој. Сличен став изнесе и Борко Стефановиќ од ССП: „Ова беше приватна претстава и узурпација на војската за поправка на паднатиот рејтинг.“

Дополнителни реакции предизвика и симулацијата на напад врз воена единица, каде што напаѓачот носеше еден од симболите на студентските протести – прслук.

Во меѓувреме, новобелградските булевари и улици сега чекаат поправка поради штетите предизвикани од десетдневното движење на тенкови и воени возила. Војската ќе ги покрие трошоците за санација.

Булеварите ќе се средат, но политичкиот рејтинг, според оценките, ќе биде далеку потешко да се поправи.