Skip to content
Над 120 учесници од 113 земји, меѓу кои 12 лидери на држави или влади и околу 50 министри од целиот свет, ќе учествуваат на деветтата меѓународна конференција „Наш океан“ („Our Ocean Conference 2024”) што на 16 и 17 април ќе се одржи во Грција, јави дописничката на МИА од Атина.
Грција првпат е домаќин на конференција што главна цел има заштита на океаните, а министри за надворешни работи, земјоделство и животна средина и енергија, на прес-конференција во грчкото МНР денеска ги презентираа деталите.
Шефот на грчката дипломатија Јоргос Герапетртис истакна дека целта на конференцијата е да има опипливи резултати и опипливи активности што ќе го подобри нивото на заштита на животната средина.
Конференцијата има шест главни теми: климатски промени, поморска безбедност, одржливо рибарство, морско загадување, морски заштитени подрачја и одржлива сина економија .
Паралелно, како што информира министрите, Грција како земја домаќин ќе ги истакне и сопствените цели, како што се промовирање на одржливоста, зелено поморство, намалување на пластиката во морињата, како и зелена транзиција во Медитеранот.
Герапетритис истакна дека станува збор за една од најголемите конференции што ги организира земјата.
