Skip to content
Нобеловата награда за книжевност за 2025 година му беше доделена на унгарскиот писател Ласло Краснахоркаи, „за неговиот убедлив и визионерски опус кој, среде апокалиптичен терор, ја потврдува моќта на уметноста“.
Краснахоркаи е познат како голем епски писател во средноевропската традиција, чиј стил се движи меѓу апсурдизмот и гротескното, но истовремено носи и медитативен тон инспириран од Истокот.
Роден е во 1954 година во унгарскиот град Ѓула. Дел од неговите дела послужиле како основа за филмовите на прочуениот режисер Бела Тар, меѓу кои се и „Satantango“ (1985) и „Меланхолија на отпорот“ (1989).
По студиите на Универзитетот „Етвеш Лоранд“ во Будимпешта, се посветил целосно на пишувањето. Прв пат излегол од комунистичка Унгарија во 1987 година, кога заминал во Западен Берлин како стипендист. Подоцна живеел и работел во Монголија, Кина и Јапонија, што силно влијаело врз неговиот стил и тематика.
Неговото дело се карактеризира со долги реченици, апокалиптични визии и интензивна филозофска длабочина. Американската писателка Сузан Зонтаг го нарече „современиот унгарски мајстор на апокалипсата во традицијата на Гогољ и Мелвил“.
Покрај Нобеловата, Краснахоркаи е добитник и на бројни книжевни признанија, меѓу кои унгарската државна награда „Кошут“ и „America Award“ за придонес во книжевноста.