Доларот силно падна: Невидено во последните 22 години

Американскиот долар падна за повеќе од 0,27 проценти во среда откако Конгресот не успеа да постигне договор за привремен буџет, што резултираше со затворање на американската федерална влада.

Индексот на доларот, кој ги споредува перформансите на доларот во однос на шест други валути како што се еврото и јапонскиот јен, падна на 97,19 од 13:35 часот по Гринич (9:35 часот по источно време), објави агенцијата Анадолу.

Овој пад резултираше со вкупен пад од 10 проценти за 2025 година. Тоа е најголемиот годишен пад на вредноста на доларот од 2003 година, кога падна за 14,6 проценти.

Федералната влада на САД се „затвори“ во полноќ во среда, откако демократите во Конгресот одбија да го поддржат планот на републиканците за привремено финансирање на државните институции освен ако не добијат концесии за здравствена заштита.

Еврото скокна! Највисоко ниво за четири години
Републиканците, кои ги контролираат и Сенатот и Претставничкиот дом, ги отфрлија тие барања, а и предлозите на демократите и на републиканците не успеаја во Сенатот непосредно пред истекот на рокот.

Ова е првото „затворање“ од блокадата на крајот на 2018 година и почетокот на 2019 година, која траеше 35 дена, објавува Ројтерс.