Skip to content
Основното јавно обвинителство од Битола покрена постапка против 23-годишен осомничен за полов напад врз две млади девојки, за кој е одредена мерка притвор.
Обвинителството во Битола до надлежниот суд поднесе барање за притвор на 23-годишник, осомничен за две кривични дела – Полов напад и силување, според член 186 став 7 во врска со став 1 од Кривичниот законик. Постапката е покрената откако тој, во два одвоени инциденти, на 9 септември и 7 ноември, полово нападнал две девојки и почнал да ги допира. Во двата случаи, жртвите успеале сами да се одбранат, по што осомничениот избегал од местото на настанот, соопштија од Републичкото јавно обвинителство.
Од обвинителството истакнуваат дека, поради природата на делото, кое се однесува на половата слобода и морал, и постоењето индиции дека осомничениот би можел повторно да изврши слични напади доколку остане на слобода, јавниот обвинител предложил мерка притвор, која е прифатена од страна на Судот.
