Вкупно 114 странски државјани се евакуирани денеска од Појасот Газа во Египет преку граничниот премин Рафа, изјави за Си-Ен-Ен египетски пограничен функционер.
Тој истакна дека исто така на лекување во Египет пристигнале и четворица ранети Палестинци.
Најмалку уште 30 ранети Палестинци се очекува да пристигнат во Египет денеска, изјави претставникот.
Според Си-Ен-Ен, вкупно 105 ранети Палестинци со тешки повреди здобиени во израелските воздушни напади во Газа се префрлени во Египет.
