Голем број европски земји, „загрижените“ арапски земји и САД работат на проект за обединета палестинска влада која може да привлече средства за обнова на соодветните територии, рече во интерју во Давос, норвешкиот министер за надворешни работи Еспен Барт Еиде.
„Голем број земји работат со нас со цел да се создаде влада на широко единство“, рече Еспен Барт Еиде, без да именува конкретни земји во овој случај.
Норвешка беше на мислење дека обединета палестинска територија треба да биде управувана од палестинската самоуправа, но „пред сè, тоа мора да биде она што го сакаат Палестинците“, додаде министерот за надворешни работи.
Пред повеќе од две децении, Норвешка посредуваше во преговорите меѓу Израел и Палестинската ослободителна организација (ПЛО) што доведоа до Договорот од Осло во 1993 година, со кој беше воспоставена ограничена палестинска автономија на Западниот Брег и Газа.
