ЕУ и Молдавија потпишаа партнерство за „безбедност и одбрана“

Молдавија потпиша партнерство со Европската унија во областа на безбедноста и одбраната, прва страна што склучила соодветен договор со унијата, изјави денеска шефот на европската дипломатија, Жозеп Борел.

Предводена од проевропската претседателка Маја Санду, Молдавија се надева дека ќе се приклучи на ЕУ до 2030 година и ја осуди руската инвазија врз соседна Украина.

Молдавија е првата земја што потпиша безбедносно и одбранбено партнерство со ЕУ. Ова партнерство ќе ја зголеми издржливоста на страните. Тоа ќе ни овозможи заеднички да се справиме со предизвиците во областа на безбедноста и да откриеме нови сфери за соработка, напиша Борел на „Х“.

Во март, Санду потпиша договор за одбранбена соработка со Франција.

Молдавија се стекна со независност од Советскиот Сојуз во 1991 година, а односите со Москва се влошија по руската инвазија на Украина.