Европската комисија донесе одлука да мобилизира помош за Северна Македонија и Бугарија во справувањето со шумските пожари што ги зафатија двете земји, соопшти денеска портпаролот на ЕК за хуманитарна помош и справување со кризи Балаш Ујвари.
– Со активирање на Механизмот за цивилна заштита на ЕУ, во Северна Македонија се распоредени четири хеликоптери и три противпожарни авион од Хрватска, Словенија, Србија и Турција, информира Ујвари.
За помош во справување со пожарите во земјава се испратени еден хелликоптер од Србија, два хеликоптери од Словенија, хеликоптер и два авиони од Турција и авион кој е дел од противпожарната флота на ЕУ стациониран во Хрватска.
Во Бугарија пак, според Ујвари, се испратени два хеликоптери за гаснење пожари од Чешка, од кои едниот е дел од противпожарната флота на ЕУ.
![BE-ja sistemoi katër helikopterë dhe tre aeroplanë në vend si ndihmë për shuarjen e zjarreve Komisioni evropian sot solli vendim të mobilizojë ndihmë për Maqedoninë e Veriut dhe Bullgarinë në përballjen me zjarret pyjore që i kapluan të dy vendet, kumtoi sot zëdhënësi i KE-së për ndi](https://mia.mk/articles/images/%D0%B5%D1%83%D1%80%D0%B0%D1%81%D0%BF%D0%BE%D1%80%D0%B5%D0%B4%D0%B8%D1%87%D0%B5%D1%82%D0%B8%D1%80%D0%B8%D1%85%D0%B5%D0%BB%D0%B8%D0%BA%D0%BE%D0%BF%D1%82%D0%B5%D1%80%D0%B8%D0%B8%D1%82%D1%80%D0%B8%D0%B0%D0%B2%D0%B8%D0%BE%D0%BD%D0%B8%D0%B2%D0%BE%D0%B7%D0%B5%D0%BC%D1%98%D0%B0%D0%B2%D0%B0%D0%BA%D0%B0%D0%BA%D0%BE%D0%BF%D0%BE%D0%BC%D0%BE%D1%88%D0%B7%D0%B0NrBnu/NfblpaubN/large.webp?use_watermark=1)
– Подготвени сме да мобилизираме и дополнителна помош. Како што знаете во пресрет на летото направивме значителни подготовки, ангажирајќи над 500 пожарникари, 28 авиони и четири хеликоптери за гаснење пожари распоредени низ цела Европа, додаде Ујвари.
Во врска со оваа одлука на Европската комисија, евроомесарот за управување со кризи Јанез Ленарчич истакна дека ЕУ е обединета во својата поддршка за справување со пожарите, со што се докажува важноста на солидарноста.
– Нашиот брз одговор преку Механизмот за цивилна заштита на ЕУ е од клучно значење за помагање на локалните напори против овие разорни шумски пожари. Остануваме подготвени да обезбедиме дополнителна поддршка доколку е потребно. Шумските пожари не познаваат граници, како ни нашата посветеност да помогнеме, додаде Ленарчич.
Европската комисија соопшти и дека Координативниот центар за одговор при итни случаи на ЕУ продолжува внимателно да ја следи ситуацијата, со цел да може брзо да реагира за испраќање дополнителна помош доколку биде потребно.
![Калифорнија пожари](https://mia.mk/articles/images/%D0%BD%D0%B0%D1%98%D0%BC%D0%B0%D0%BB%D0%BA%D1%83-%D1%88%D0%B5%D1%81%D1%82%D0%BC%D0%B8%D0%BD%D0%B0-%D0%BC%D1%80%D1%82%D0%B2%D0%B8-%D0%B2%D0%BE-%D0%BF%D0%BE%D0%B6%D0%B0%D1%80%D0%B8%D1%82%D0%B5-%D0%B2%D0%BE-%D0%BA%D0%B0%D0%BB%D0%B8%D1%84%D0%BE%D1%80%D0%BD%D0%B8%D1%98%D0%B0/NX/large.webp?use_watermark=0)
Со цел да помогне во справувањето со евентуалните пожари, Европската комисија во пресрет на летото формира флота од авиони и хеликоптери за гаснење пожари и ангажираше пожарника спремни за итна реакции, кои се распордени на неколку локации ширум Европа.
Противпожарната флота на ЕУ се состои од 28 авиони и четири хеликоптери стационирани во 10 земји членки на ЕУ.
Дополнително, 556 пожарникари од 12 земји се стратешки распоредни на клучните локации во Европа, во Франција, Грција, Португалија и Шпанија, кои се подготвени да реагираат во помош на локалните противпожарни единици во справувањето со огнените стихии.