Skip to content
Европските лидери во Будимпешта ја истакнаа својата подготвеност да соработуваат со новата американска администрација на Доналд Трамп, но порачаа дека и Европа треба да преземе одговорност за својата судбина и да го зачува единството.
„Ќе соработуваме со новата администрација на Трамп“, рече претседателката на Комисијата Урсула фон дер Лајен по пристигнувањето на Самитот на Европската политичка заедница (ЕПЦ) во Будимпешта. Таа додаде дека „Иднината на Европа е во нејзини раце, таа мора да преземе одговорност и да го зачува единството“.
Претседателот на Европскиот совет Шарл Мишел изјави дека Европската унија има многу заедничко со САД и сака да ги зајакне односите со Вашингтон врз основа на взаемно почитување.
„Мораме да бидеме господари на нашата судбина, не за Доналд Трамп или Камала Харис, туку за нашите деца. Наша одговорност е да донесуваме одлуки за да не зависиме од нешто што е решено на друго место. Мораме да направиме повеќе за да зајакнеме нашиот внатрешен пазар, нашата конкурентност, нашите одбранбени способности – ние веруваме во мултилатерален свет“, рече Мишел.
Генералниот секретар на НАТО Марк Руте изјави дека благодарение на реизбраниот американски претседател Доналд Трамп, членките на Алијансата почнале да ги зголемуваат буџетите за одбрана.
„Имаме претседател кој е искусен, кој јасно кажува што сака и кој не турна сите да ги зголемиме трошоците за одбрана над два отсто од БДП и тој беше во право, и ќе не натера да направиме повеќе по пристигнувањето на самитот.
Тој предупреди на соработката меѓу Русија и Северна Кореја, која не е закана само за европскиот дел на НАТО, туку и за САД.
Финскиот премиер Петери Орпо рече дека европските земји мора јасно да им дадат до знаење на Соединетите држави дека ќе продолжат да ја поддржуваат Украина се додека тоа е потребно.
„Треба да испратиме јасна и силна порака“, рече Орпо.
Албанскиот премиер Еди Рама, кој ќе биде домаќин на следниот самит на ЕЦП кој треба да се одржи напролет, рече дека враќањето на Трамп може да биде „добра работа за Европа“.
„Кога беше избран за прв пат, сите се тресеа од страв бидејќи мислеа дека ќе биде крај на НАТО, но Алијансата стана посилна“, рече Рама.
Денеска и утре (7 и 8 ноември), во Будимпешта се одржуваат два големи политички собири на кои лидерите на ЕУ и другите европски земји разговараат што значи победата на Доналд Трамп во САД за ЕУ и нејзините соседи.
Лидерите на речиси сите европски земји денеска се собраа во Будимпешта на петтата средба на врвот на европската политичка заедница, а утре во петок на истото место се одржува и неформалниот самит на лидерите на Европската унија. Лидерите на 47 европски земји, сите освен Русија, беа поканети на самитот на Европската политичка заедница (ЕПЦ), кој беше создаден по руската инвазија на Украина во 2022 година како форум за дијалог и соработка меѓу ЕУ и другите европски земји. во решавањето на прашања од заеднички интерес и Белорусија.
