Skip to content
Форумот на жени на СДСМ, ја информира јавноста дека утре 08.03.2025 година со почеток во 12:00 часот во Струмица, ќе организира марш по повод Меѓународниот ден на жената.
Маршот е нашиот глас со кој ја продолжуваме борбата за права и достоинство на секоја жена и девојка a оваа година Форумот на жени го одржува под слоганот „Исправени заедно, за еднаквост, правда и мир“, пишува во соопштението на СДСМ.
Претседателката на Форумот на жени на СДСМ, Даниела Колева, упати повик до сите граѓани да се приклучат.
„Иако изминатите години направени се значителни поместувања, и понатаме е потребно многу работа и не чекаат голем број закони кои треба да се донесат.. Да маршираме заедно за правда и мир“, рече Колева.
Маршот започнува од кружниот тек кај улицата “Ленинова” во Струмица а завршува спроти зградата на општина Струмица (улица Благоја Мучето).
По завршување на маршот, ќе се обратат претседателот на СДСМ, Венко Филипче, заменичката претседателката Фани Каранфилова Пановска, и претседателката на Форумот на жени на СДСМ, Даниела Колева.
