Skip to content
Џамијата Усманија во Бредфорд, Англија, секоја недела организира часови пилатес за мажи над 50 години, со цел подобрување на здравјето и општата благосостојба на постарите мажи. Сепак, снимката од еден од часовите стана вирална и собра речиси два милиони прегледи на социјалните мрежи, што ги шокирало организаторите.
Секретарот на џамијата, Мохамед Илијас, вели дека не очекувале таква реакција и дека добиле пораки и прашања од целиот свет како да организираат слични часови во своите заедници. Часовите, покрај физичките, имаат и ментални и социјални бенефити, бидејќи учесниците се дружат и создаваат пријателства.
„Младиот дел од популацијата е повеќе насочен кон бодибилдинг и изглед, но како што мажите стареат, имаат сè помалку можности за овакви активности“, вели инструкторот кој води пилатесот. По секој час, учесниците пијат чај, јадат овошје и се дружат, што ги прави часовите важен дел од заедницата.
Илијас потенцира дека целта на џамијата е да стане центар на заедницата, место каде луѓето не само што се молат, туку и се поддржуваат и зајакнуваат здравјето и социјалните врски.