Skip to content
Гласање болни и немоќни за Локалните избори 2025 влегува во клучна фаза: од денес, 7 октомври, остануваат уште три дена за пријавување. Според Роковникот на ДИК, избирач што не може да гласа на своето место (поради болест или немоќ) треба да ја извести Општинската изборна комисија најдоцна до 10 октомври, во 24:00 часот. За да му се овозможи гласање во домашни услови, задолжително се доставува соодветна медицинска документација до ОИК.
Одвоено, на 14 октомври истекува рокот за пријавување на лицата кои издржуваат мерка куќен притвор и сакаат да гласаат. Немоќните или болни лица, лицата во куќен притвор, затворениците и корисниците на старски домови гласаат еден ден пред изборите – на 18 октомври. Гласањето во домовите го спроведуваат избирачките одбори.
Според Избирачкиот список за Локалните избори 2025, вкупно 1.832.415 избирачи се запишани. Во изводите од списокот се водат 1.717.803 избирачи, додека 112.000 се во посебниот список за лица на привремена работа/престој во странство, 2.162 се на издржување казна затвор или во притвор, а 450 се од домовите за стари лица. На овие избори не се спроведува гласање во дијаспората.
