Гранди: Нагорно Карабах веќе го напуштиле над 100.000 Ерменци

 Високиот комесар на ОН за бегалци, Филипо Гранди, изјави дека за една недела над 100.000 етнички Ерменци од Нагорно Карабах како бегалци веќе пристигнаа во Ерменија, пренесуават британските медиуми

„Многумина се гладни, исцрпени и им е потребна итна помош“, нагласи тој на социјалните мрежи.

„Високиот комесаријат за бегалци на Обединетите нации (УНХЦР) и другите хуманитарни партнери ја зголемуваат својата поддршка за ерменските власти, но итно е потребна меѓународна помош“, додаде Гранди.