Skip to content
Поранешниот министер за финансии на Грција во 2015 година бил нападнат пред ресторан во Атина. Јанис Варуфакис е грчки економист, основач и лидер на левичарската партија Европски реалистичен фронт за непослушност (MeRA25) и поранешен министер за финансии на Грција.
Варуфакис бил нападнат и претепан од група луѓе кога излегувал од ресторан во познатата атинска населба Егзархија, каде што се наоѓа и неговиот дом. Егзархија е позната како „оаза“ на грчките анархисти и на алтернативната сцена, во која полицијата не е добредојдена.
Според првичните информации, група луѓе му пришле на Варуфакис кој бил во ресторанот, почнале да го навредуваат и туркаат и на крајот физички го нападнале, пренесува порталот Катимерини.
Еден од напаѓачите го удрил Варуфакис во лицето и го повредил, поради што бил пренесен во болница каде му била констатирана фрактура на носната коска.
Партијата на Варуфакис МеРА25 објави дека тој бил подложен на „храбар фашистички напад“.
Денешната епизода нека послужи да не потсети на оние кои намерно продаваат лажна и клеветничка приказна што ја искористија денешните насилници. Им порачуваме: не се плашиме, не бегаме, не отстапуваме. Во темнината, одговараме со еден збор: ДЕН, се вели во соопштението на МеРА25.
Грчкиот премиер Киријакос Мицотакис го осуди нападот врз Варуфакис и посочи дека насилството не може да се толерира.
Нападот врз господинот Варуфакис е апсолутно за осуда и нашата Република не може да го толерира. Му посакувам брзо закрепнување и сигурен сум дека грчката полиција ќе направи се за да ги изведе сторителите пред лицето на правдата, напиша премиерот во својата објава.
