Грција прва во ЕУ со бесплатна домашна достава на скапи лекови

Од 16 јуни, 139 000 хронично болни и пациенти со тешки заболувања во Грција ги добиваат неопходните, често скапи, терапии директно на врата – без надомест. Националниот фонд за здравствено осигурување EOPYY со оваа програма стана првата институција во Европската унија што нуди целосно бесплатна достава на лекови до дом, канцеларија или летна дестинација.

Препишаните медикаменти, вклучувајќи препарати што бараат ладен синџир, пристигнуваат за 24–48 часа, зависно од локацијата. Логистиката ја спроведуваат овластени партнери под строг надзор за следење на пратките и заштита на податоците.

За користење на услугата доволни се електронски рецепт и, доколку е потребно, електронско упатство; пријавувањето се врши преку платформата eopyy.gov.gr, а помош може да се добие и во аптеките, сервисните центри или по телефон.

Претседателката на EOPYY, Теано Карподини, оцени дека програмата „го поставува новиот стандард во грижата за пациентите“ и ја опиша како „чест и обврска што ги крева очекувањата на јавноста“.