Skip to content
Платформата X ги блокираше пребарувањата за Тејлор Свифт откако експлицитни слики на пејачката генерирани со вештачка интелигенција почнаа да кружат на страницата.
Во изјава за Би-Би-Си, шефот за деловни операции на Х, Џо Бенарох, рече дека тоа е „привремена акција“ за да се даде приоритет на безбедноста.
Кога пребарувате за Swift на страницата, се појавува порака која вели: „Нешто тргна наопаку. Обидете се повторно да вчитате“.
Лажните сексуално експлицитни слики на Свифт се проширија низ социјалните мрежи оваа недела, вклучително и една слика споделена на X, поранешен Твитер, за која Њујорк Тајмс рече дека била прегледана 47 милиони пати пред да биде суспендиран лажниот профил.
Белата куќа во петокот изрази загриженост поради лажните слики за поп-пејачката и изјави дека компаниите на социјалните мрежи имаат важна улога во спроведувањето на правила за спречување на ширењето на таквите дезинформации.
