Skip to content
По повеќе од две години заробеништво, Хамас денес ги ослободи сите 20 живи израелски заложници. Тие се предадени на Црвениот крст и веќе се на пат кон Израел, каде ќе се сретнат со своите семејства.
На улиците на Тел Авив избувна голема радост – илјадници граѓани се собраа на Тргот на заложниците, веќе порано испишан со бројот на денови поминати во заробеништво, и маваа со израелските знамиња, славејќи го нивното враќање.
Меѓу ослободените се Алон Охел, Гали и Зив Берман, Матан Ангрест, Еитан Мор, Омри Миран и Гај Гилбоа-Далал. Првите фотографии од нивното ослободување покажуваат емотивни средби со израелските војници и прегратки со најблиските.
Во меѓувреме, Израел ќе ги пушти 250 палестински затвореници и повеќе од 1700 лица уапсени во Газа по нападите од 7 октомври 2023 година.
Претседателот на САД, Доналд Трамп, кој пристигна во Израел, изјави дека „војната е завршена“ и ќе предводи мировен самит во Шарм ел-Шеик за кој се очекува да учествуваат најмалку 20 светски лидери.
Израелската војска потврди дека сите живи заложници се предадени и се на безбедно, а се очекува и предавање на телата на 28 загинати заложници во наредните денови.
Најважните имиња на ослободените заложници се:
Бар Куперштеин, Евијатар Давид, Јосеф-Хајм Охана, Сегев Калфон, Авинатан Ор, Елкана Бохбот, Максим Херкин, Нимрод Коен, Матан Зангаукер, Давид Кунио, Еитан Хорн, Матан Ангрест, Еитан Мор, Гали Берман, Зив Берман, Омри Миран, Алон Охел, Гај Гилбоа-Далал, Ром Браслабски и Ариел Конио.
