Хил, амбасадор на САД: Тврдењата дека Западот поттикнува „Мајдан“ во Србија се смешни

Амбасадорот на САД во Белград, Кристофер Хил, ги смета за „смешни“ тврдењата на руските претставници дека Западот поттикнува „обоена револуција“ или „Мајдан“ во Србија и додаде дека „никој не поттикнува револуција“.

Хил за денешен „Блиц“ вели дека на САД им е јасно дека изминатите избори покажале недостатоци во изборните процеси во Србија, кои мора да ги реши.

„Меѓународната заедница, вклучително и ОБСЕ, е подготвена да помогне. Но, демократскиот напредок на Србија на крајот зависи од нејзините граѓани. Единствениот меѓународен актер што стои на патот на напредокот е Русија – ниту Америка, ниту Европа, ниту кој било друг во Западот“, рече амбасадорот.

Тој оцени дека Русија има малку преостанати пријатели, особено во Европа, и затоа одлучила да ги искористи изборите во Србија „во очајнички обид да остане релевантна“, како и да се обиде да создаде „раздор меѓу Србија и нејзиниот евроатлантски партнери“..

„Сè што и нудат на Србија е нестабилност и спротивно на напредокот“, рече американскиот амбасадор во Србија.