Skip to content
Тројните полициски патроли на границата помеѓу Хрватска и Босна и Херцеговина, составени од припадници на полицијата на Хрватска, Словенија и Италија, ќе започнат да дејствуваат од понеделник, 16 јуни. Ова денеска го потврди хрватскиот министер за внатрешни работи, Давор Божиновиќ.
Божиновиќ, кој учествуваше на состанокот на министрите за внатрешни работи на земјите-членки на Европската унија во Луксембург, нагласи дека овие заеднички патроли ќе придонесат за зајакнување на безбедноста во Шенген зоната.
Тој исто така го поздрави потпишувањето на договорот за статус со Босна и Херцеговина, кој ќе овозможи на Фронтекс, агенцијата за заштита на надворешните граници на ЕУ, да распоредува свои сили на територијата на Босна и Херцеговина. Ова, според него, ќе донесе дополнителна заштита и сигурност на надворешните граници на Европската унија.
