Хуманитарните групи го осудуваат американското вето на резолуцијата за прекин на огнот во Газа

– Неколку меѓународни хуманитарни организации остро го критикуваа неуспехот на Обединетите нации да побараат прекин на борбите во Газа.

-Згрозени сме од неуспехот на Советот за безбедност на ОН да одобри резолуција со која се бара хуманитарен прекин на огнот и безусловно ослободување на заложниците кои се држат во Газа, рекоа седум големи хуманитарни групи во денешната заедничка изјава.

Доколку се имплементира, додаваат, ова би обезбедило многу неопходен одмор за цивилите во Газа кои се под постојано бомбардирање.

-Ова беше пропуштена можност да се запре насилството, се вели во изјавата.

Групите ги вклучуваат „Save the Children“, „Action Against Hunger“, „Oxfam“, „CARE International“ и Норвешкиот совет за бегалци.

Соединетите држави, близок сојузник на Израел, ставија вето на резолуцијата во Советот за безбедност на ОН во петокот и покрај катастрофалната ситуација за цивилите во Појасот Газа.

Вашингтон се спротивстави на претходните такви иницијативи, поддржувајќи го Израел и наведувајќи дека таквите резолуции може да ги загрозат тековните дипломатски напори.

-Газа сега е најсмртоносното место за цивилите во светот. Никаде не е безбедно, соопштија хуманитарните групи. м