Skip to content
Интегративците во партското соопштение нагласуваат дека во интерес на транспарентноста и правото на граѓаните на информираност, ја отвораат дилемата бидејќи јавноста заслужува одговори: Дали во февруари 2025 година, во кабинетот на градоначалникот на Куманово, Максим Димитриевски, во присуство на заменик-премиерот Стоилковиќ, се одржала средба меѓу Изет Меџити и Александар Вулин, на која била разгледувана и координирана значајна српска инвестиција во „Битолска Банка“?, се вели во соопштение од ДУИ.
Доколку овие информации се точни, јавноста мора да биде запознаена со мотивите, содржината и последиците на таков состанок. Секоја непрозирност во врска со меѓународни финансиски интереси отвора сериозни сомнежи за политичко влијание и зависност.
Затоа, ги повикуваме сите инволвирани страни – градоначалникот на Куманово, заменик-премиерот Стоилковиќ и Изет Меџити да дадат јасни и навремени појаснувања пред јавноста.
„Транспарентноста е темел на јавната доверба! Ние нема да дозволиме сенки и сомнежи да ја загрозат иднината на државата!“ изјавуваат од Демократската унија за интеграција.
„Граѓаните заслужуваат јасни и навремени одговори! Секој таен договор кој вклучува странски финансиски интереси носи ризик од политичка зависност и влијание! Македонија не смее да биде заложник на сенки и непрозирни договори!“ порачаа од ДУИ.
ДУИ ја нагласува својата непоколеблива заложба за отвореност и демократска одговорност.
„Ќе инсистираме на целосна транспарентност! Ќе ја браниме јавната доверба! Ќе спречиме било какви обиди за прикривање од јавноста! Народот мора да знае вистината!“