И градоначалникот Лукровски од Карпош го боли стомак

Градоначалникот на Карпош, Сотир Лукровски, апелира случајот со стомачните тегоби кај учениците од ООУ „Димо Хаџи Димов“ да не се злоупотребува за дневнополитички цели. Тој за 4NEWS изјавил дека и самиот последниве денови има слични симптоми, но нагласил дека е клучно институциите да ги завршат анализите пред да се извлекуваат заклучоци.

„Стомачни тегобии имам и јас деновиве. Настанот не треба да се злоупотребува, не ширете паника, почекајте резултати“, порача Лукровски, повикувајќи на трпение додека траат испитувањата на храната, водата и здравствената состојба на персоналот во училиштето.

Неговиот апел доаѓа во момент кога инспекциските служби спроведуваат вонреден надзор во повеќе училишта во Карпош по пријавите за стомачни тегоби кај ученици, а јавноста очекува официјални информации дали се работи за труење со храна, вирусна инфекција или друг причинител.