И снегот не успеа да го исчисти воздухот во Скопје

Во Скопје, иако веќе два дена врне снег сепак индексот на загаденост изнесува 52, што укажува на умерено загадување на воздухот и концентрација на PM2,5 честички која надминува годишната вредност на СЗО за 2,1 пати. покажува IQ air.

Во моментот најзагаден град е Битола, со индекс од 102, што значи дека воздухот е опасен за дишење за чувствителните групи граѓани.

Од Ај-Кју-Ер предупредуваат дека чувствителните групи граѓани треба да го ограничат излегувањето од дома, а ако мораат да излезат, да носат маски и да го сведат физичкото вежбање на минимум. Препорачуваат исто така, поставување на прочистувачи на воздух во затворените простории и држење на прозорците затворени за да се избегне влегување на загадениот воздух.

Во Струмица, која во последните денови беше со висока концентрација на загадување, денеска индексот изнесува 71, а умерено е загадувањето во Кавадарци, Велес, Гостивар и Тетово.