Skip to content
Израелската армија објави дека добила информација од Црвениот крст дека презела ковчег од Хамас во јужна Газа со она што се верува дека е тело на убиен заложник.
Црвениот крст сега ќе го предаде ковчегот на израелските војници во Газа, каде што ќе се одржи церемонија предводена од воен рабин, објави „Тајмс оф Израел“.
Военото крило на палестинската милитантна група Хамас претходно објави дека вечерва во 20 часот по локално време ќе му предаде на Израел уште едно тело на заложник.
Хамас соопшти дека телото на заложникот било пронајдено вчера.
Групата треба на Израел да му ги предаде телата на уште 16 заложници, согласно договорот за прекин на огнот од Шарм ел Шеик.
