Skip to content
Израелските одбранбени сили (ИДФ) соопштија дека од почетокот на војната против Хамас, во Појасот Газа влегле 12.000 камиони со 1.052 тони медицинска опрема.
Во соопштението на ИДФ се наведува дека била олеснета и испораката на стотици илјади вакцини против детска парализа, туберкулоза, ротавирус и МРП, меѓу другата помош.
Покрај тоа се укажува и за бројот на пациенти третирани во болниците во разни делови на Газа – управувани од странски нации и меѓународни групи за помош – каде стигнала медицинската помош, како и во две пловечки болници на француски брод и на италијански брод.
ИДФ соопшти дека исто така ја координирала со Египет евакуацијата на стотиците ранети Палестинци од Газа, кои беа однесени на лекување во Обединетите Арапски Емирати, Турција и Египет.
„Во координација со меѓународната заедница, ИДФ продолжува да ги олеснува напорите за хуманитарна и медицинска помош за цивилите во Газа“, велат од армијата.
